ಬೋರಿ ಸೇತುವೆಯ ಸನಿಹದಲ್ಲಿ ಪಕ್ಷಿ ಸಮೂಹ

 

ಪೋಂಡಾದಿಂದ ಮಡಗಾಂವ್ ಗೆ ಹೋಗುವ ಹಾದಿಯಲ್ಲಿ ಜುವಾರಿ ನದಿಯ ಸೇತುವೆಯನ್ನು ದಾಟಿದ

ಕೂಡಲೇ ಎಡಬದಿಯಲ್ಲಿ, ವಿಶಾಲವಾದ, ಹಿನ್ನೀರು ತುಂಬಿದ ಜವುಗುಪ್ರದೇಶ ಸಿಗುತ್ತದೆ. ಯಾವುದೇ

ಸಮಯದಲ್ಲಿ, ಅಲ್ಲಿ ಹಲವಾರು ನೀರಹಕ್ಕಿಗಳು ಕಾಣಬರುತ್ತವೆ. ಈಗ ಒಂದೆರಡು ತಿಂಗಳುಗಳಿಂದ

ಆ ಜಾಗದಲ್ಲಿ ವಲಸೆ ಬಂದಿರುವ  ಪಕ್ಷಿಗಳು ಸಾವಿರಾರು ಸಂಖ್ಯೆಯಲ್ಲಿ ಕಾಣುತ್ತಿವೆ. ಆ ರಸ್ತೆಯಲ್ಲಿ

ಹೋಗಿಬರುವಾಗೆಲ್ಲ ಅದನ್ನು ನೋಡಿ ಸಂತೋಷಪಡುತ್ತಿದ್ದೆನಾದರೂ ವಿರಾಮವಾಗಿ ನಿಂತು

ಅವುಗಳನ್ನು ನೋಡುವ ವ್ಯವಧಾನವಾಗಿರಲಿಲ್ಲ. ನಿನ್ನೆಯ ದಿವಸ ಮಧ್ಯಾಹ್ನ  ಬಿಸಿಲನ್ನು ಲೆಕ್ಕಿಸದೆ,

ಆ ಹಕ್ಕಿಗಳನ್ನು ನೋಡಲೋಸುಗವೇ ಅಲ್ಲಿಗೆ ಹೋಗಿ, ಒಂದೂವರೆ ಘಂಟೆಯಕಾಲ  ಸುತ್ತಾಡಿ,

ಸಾಧ್ಯವಾದ ಚಿತ್ರಗಳನ್ನು ತೆಗೆದುಕೊಂಡು ಬಂದೆವು. 

ಹತ್ತಿರ ಹೋಗಲು ಯಾರದೋ ಖಾಸಗಿ ಜಮೀನಿನ ಮೂಲಕ ಹೋಗುವುದಕ್ಕೆ ಕೊಂಚ

ಹಿಂದೇಟಾಯಿತಾದರೂ ಅಲ್ಲೆಲ್ಲೂ ಜಾಗದ ಯಜಮಾನರು ಕಾಣಲಿಲ್ಲವಾದ್ದರಿಂದ ಅವರ

ಅಭ್ಯಂತರ ಇಲ್ಲವೆಂದು ಭಾವಿಸಿಕೊಂಡು ನುಗ್ಗಿದೆವು.   ಆಶ್ಚರ್ಯವೆಂದರೆ ಆ ಪ್ರದೇಶದ

ಮಧ್ಯಸಾಗುವ ಸುಮಾರು ಒಂದೂವರೆ ಕಿಲೋಮೀಟರಿನಷ್ಟು ಉದ್ದದ ಕಾಲುಹಾದಿಯ

ಬದಿಗಳಲ್ಲಿ ನೀರಿನ ಬಾಟಲಿಗಳಾಗಲೀ, ಬಿಸುಟಿದ್ದ ಪ್ಲಾಸ್ಟಿಕ್ ಚೀಲಗಳಾಗಲೀ, ಬಿಯರ್

ಬಾಟಲಿಗಳಾಗಲೀ ಏನೂ ಇಲ್ಲದೇ ಹಾದಿ ನಿರ್ಮಲವಾಗಿತ್ತು ! ಅದನ್ನು ಗಮನಿಸಿದ 

ನನ್ನ ತಲೆ  ತಂಪಾಗಿ, ಬಿಸಿಲಿನ ಝಳ ನನಗೆ ತಿಳಿಯಲೇ  ಇಲ್ಲ!

ಸುಮಾರು ಹತ್ತುಹದಿನೈದು ವಿವಿಧ ಪ್ರಭೇದದ ಪಕ್ಷಿಗಳು ಕಾಣಸಿಕ್ಕಿದವು.  ನೀರಕಾಗೆ, ಕೊಕ್ಕರೆ,

ಮಿಂಚುಳ್ಳಿ, ಜಾಲಗಾರ ಹಕ್ಕಿ, ಗೋವಕ್ಕಿ, ಸಿಳ್ಳೆಬಾತು, ನೀರುಗೊರವ  ಇತ್ಯಾದಿ ಇತ್ಯಾದಿ. 

ಬಹುಮಟ್ಟಿಗೆ ಆಂಗ್ಲಭಾಷೆಯಲ್ಲಿ ಅವುಗಳ ಹೆಸರುಗಳು ತಿಳಿದಿತ್ತಾದರೂ ಅವುಗಳ ಕನ್ನಡ

ನಾಮಧೇಯವನ್ನು ತಿಳಿಯುವ ಕುತೂಹಲವಾಗಿ ಗೂಗಲ್ ಗುರೂಜಿಯವರೊಡನೆ ಒಂದು

ಘಂಟೆ ಕಳೆದೆ. ಅದರ ಫಲವಾಗಿ ಬಹುಪಾಲು ಹೆಸರುಗಳು ತಿಳಿದು ಕೌತುಕವೆನಿಸಿತು ! 

ನಾವು (ನಾನು ಮತ್ತು ನನ್ನ ಪುತ್ರ ಅಕ್ಷಯ್) ತೆಗೆದ ಕೆಲವು ಚಿತ್ರಗಳು, ಕನ್ನಡ, ಇಂಗ್ಲಿಷ್

ಎರಡೂ ಹೆಸರುಗಳೊಂದಿಗೆ ಇಲ್ಲಿ ಕೆಳಗಿವೆ. 

ಹಿನ್ನೀರಿನ ಬದಿಯಲ್ಲಿರುವ ಅದೃಷ್ಟಶಾಲಿಗಳೊಬ್ಬರ ನಿವಾಸ!

Greater Egret -  ಕೊಕ್ಕರೆ

ಬಕಪಕ್ಷಿ, ಸಾಮಾನ್ಯ ಬಕ - Paddy Bird

Blackwinged Stilt -  ನೀರುಗೊರವ  

Blackheaded Ibis -  ಬಿಳಿ ಕೆಂಬರಲು,

ನಾವು ಹತ್ತಿರಹೋದದ್ದರಿಂದ ಹಾರತೊಡಗಿದ ಕೊಕ್ಕರೆ ಸಮೂಹ - Greater egrets taking flight

Marsh Sandpiper-    ಜೌಗು ಗೊರವ

Purple Heron -  ಕಬ್ಬಾರೆಹಕ್ಕಿ, ಕೆನ್ನೀಲಿ ಬಕ,

Whistling Teal -  ಸಿಳ್ಳೆಬಾತು, 

ಚಿತ್ರ ತೆಗೆಯುವ ಉತ್ಸಾಹದಲ್ಲಿ ಕಾಲುಗಳು ಕೆಸರಿನಲ್ಲಿ ಸಿಕ್ಕಿಕೊಳ್ಳುವ ಮುನ್ನ ನಾನು